مزال ببغاء بن علي يدور في تونس


بن على سعى إلى تشويه كل من يقف أمامه وبكل قواه وفما برشةناس توة قاعدين يرددوا في كلام التجمع وكلام بن علي عن الاسلاميين والسلفيين و النهضةوكل من يتكلم او يكتب او ينقد من منطلق الدفاع عن الهويةالاسلاميةللبلاد التونسية لان الاسلاميين كانوا التهديد الاكبر لنظام بن علي الاستبدادي فحاول ان يلصق بهم هذه التهمة:الارهاب والرجعية ليشرع قمعهم واقصاءهم ويشرع بقاءه امام الغرب باعتبار ظلمه موجه ضد الارهاب لكن ظلمه كان موجه لكل الشعب وكل المعارضين باختلاف مرجعياتهم الايديولوجية 
منعرفش علاش لتوة فما ناس رفضت او تدعي انها رفضت كل شيء متعلق بالتجمع والنظام السابق الا موقفه من الاسلاميين والنهضة الكثير من التوانسة لا زال يردد كالببغاء ما يقوله النظام البائد عن الاسلاميين في تونس

بالعكس اذا اردت ان تقيس مدى مصداقية اي طرف فانظر في علاقته بالنظام السابق وتاثره باقواله ومواقفه ناس مزالت ماتحررتش مواقفها ومزال موقفها مرتبط ومبني على ادلة قدمها نظام سابق اثبتت الاحداث الحالية انه نظام فاسد وعميل حارب الجميع بمختلف ايديولجياتهم كي يثبت نفسه وسيطرته
فما ناس تبني في مواقفها على قال بن علي قال عبد الله قلال قال رفيق الحاج قاسم ان فلان ارهابي وفلان رجعي وفلان متطرف وبعد يجي ويقلك نحن ضد بن علي وضد التجمع ونطالب بالحرية والديمقراطية 
والله شيء يضحك ناس مزالت مواقفها متحررتش من النظام السابق وادلته وتطالب بالحرية حرروا انفسكم قبل وافكاركم وقناعاتكم وبعد طالبوا بالحرية ابحثوا على الحقيقة اقراو لهالناس تعلموا كونوا مواقفكم الخاصة يزي من ثقافة المواقف المعلبة والجاهزة واجترارها قالولك النهضة رجعية وبش ترجع البلاد سنين لتالي احضر ندوة او محاضرة ليهم تفرج في فيديو وخدم مخك وكون موقفك الخاصقالولك السلفيين ارهابيين وخطيرين اقرالهم احضر ندواتهم اسمع لخطبهم وكان شفت كلامهم وخطابهم يخالف القران والسنة واقوال الصحابة ماتاخذووش وماتسمعوش وحد ماجبرك تعلموا كونوا قراراتكم الشخصية مبنية على معلوماتكم الخاصة الي انتوما بحثتو عليها وخذوها من مصدرها مش تقلي هاو في القناة الفلانية قالو هاو في الجريدة كذا كتبوا بالله شنوا بش تتوقعوا من قناة كيف نسمة مثلا حتى اذان ماتعديهش كنتو تتوقعوا منها انها مش بش تحارب الاسلام والهوية الاسلامية تولي محل نقاش ولا حكاو على مواضيع اصلاحية لاحكات لاعلى بطالة ولاتشغيل شباب ولاتنمية جهات ولانهوض بالاقتصاد ولاحتى شيء ينفع ركزت فقط على مهاجمة وتشويه اهل الاسلام بتونس لذلك لازمنا نرتقيوا بتفكيرنا واهتمامتنا ومانخليوش امثال هالكائنات تشتت انتباهنا بمواضيع تغطي على الاعمال الخفية للحكومة

0 commentaires:

Enregistrer un commentaire

Related Posts Plugin for WordPress, Blogger...