فيقوا ياتوانسة

بالله ياتوانسة كونوا مرة ايجابيين وفكروا في مصلحة الجماعية وطالبوا بمصلحة البلاد قبل مطالبكم الخاصة ماتميعوش القضية الاساسية والمطلب الاساسي بكثرة المطالب الخاصة وكثرة الاضرابات الخاصة الي تساهم في تعطيل البلاد ومصالح الناس واكبر مثال اضراب قطاع التعليم وبعض القطاعات الحيوية الاخرى
ناس كلها تطالب : رسموني زيدوني في الشهرية و في البريم خدموني في الوظيفة العمومية اعطيوني إعانة خلصولي قرض أعطوني دار أطالب بالحجاب اطالب بالنقاب اطالب باستقالة فلان وفلان و أطالب وأطالب كلها مطاالب شخصية معقولة وترافقها اضرابات وتعطيل مصالح والاهم لشكون توة في هالوقت تتقدم المطالب ؟تي حتى رئيس معندناش والوزراء منهم الي استقال ومنهم الي رافضينه الشعب ومازالت الحكومة مش مستقرة ومزال معندناش اصلا برلمان ونواب نقدمولهم مطالبنا لذلك اهداو شوية ياتوانسة وفكروا بهدوء ونقدمه مطالبنا بالمراحل وبالاولوية وتوة الاولوية الاساسية والمطلب الاول نظفوا البلاد من بقايا بن علي وعصابته وجرابع التجمع ردو بالكم من الخطة ج
plan C
متاع فروخ التجمع بعد الخطة أ متاع التطبيل الي قاموا به فقط 5دق بعد خطاب الرئيس الاخير وكانوا محضرين انفسهم من الصباح كنوع من مغالطة الراي العام الخارجي ان الشعب معجب بخطاب الرئيس وقرارته وبعد الخطة ب متاع مليشيات الامن الرئاسي ولعبة تظاهرات قوات الشرطة وتاسفها للشعب وقولهم انه القناصة هي الي دخلت في الشرطة وتقتل في الشعب حان الان وقت الخطة ج متاع مليشيات التجمع خاصة بعد انسحاب الغنوشي من الحزب بش يدخلوا في المظااهرات الان ويفرضوا سيطرتهم بالقوة لضمان بقاء الحزب في الحكومة لذلك لانستغرب عدم انسحاب باقي الوزراء من الحزب فقط انسحب الغنوشي وهالخطة مقسومة لجزئين فروخ التجمع يعملوا مظاهرات مؤيدة للحكومة الحالية تحت لغة مؤقتة حتى تقوم بالاصلاحات وفي نفس الوقت تقوم بابتزاز المتظاهرين ورشوتههم وتحريضهم ضد بعضهم الجزء الثاني بعد القبض على مليشيات الامن الرئاسي ياتي دور مليشيات التجمع للتصدي للمظاهرات بمساعدة الشرطة واكبر دليل انه مظاهرات التجمع تتميز بحماية الشرطة لها وتشهد حضور للشرطة بصدد حماية فروخ التجمع لذلك احذروا من سيناريو جرابع االتجمع لذلك  نكونوا يد واحدة ونشمره على يدينا للبناء والنهوض بالبلاد لنثبت للجميع ولكل المشككين وأولهم المخلوع أننا شعب يستحق الحرية لازمنا نكونوا يد
واحدة بش نرتقيوا بانفسنا و ببلادنا كل واحد من موقعه يخدم هالبلاد ويحاول يقدملها الافضل و يتذكر انه كيف يتقن عمله وينجح فيه فهو يساهم في مزيد الارتقاء ببلادنا لانه الطبيب التونسي و المهندس التونسي والاستاذ التونسي والموظف التونسي والطالب التونسي والتلميذ التونسي يتشاركوا الكل ويتوحدوافي كلمة {تونسي} ولازم وحدنا نخدموا بلادنا كيما حررناها وحدنا بش ماتضيعش دماء شهدائنا هدرا و نعطيوا مثال طيب على التونسي واخلاقه وعزيمته

لازمنا نكونوا يد واحدة عدم اقصاء اي طرف او جهة فقط لانتمائها الفكري او العقدي هالثورة قام بها الشعب التونسي بكل 
انتماءاته الفكرية والعقدية شارك فيها الملحد والمسلم والمسيحي والعلماني والملتزم وغير الملتزم والي شارك في مننظمة حقوقية والي لا 

والي ينتمي لحزب معين والي لا كل الشعب التونسي بكل فئاته وحدها الاحساس بالظلم والاضطهاد والاقصاء الي عاشته في عهد بن 

علي لذلك من حق الجمييع المشاركة في مايساهم خدمة تونس والارتقاء بها ودفعها للامام.اي واحد هدفهه خدمة تونس وتقديم الاضافة 

مرحبا به بغض النظر عن انتمائه الفكري والعقدي كل حاجة عندها سلبييات وايجابيات مذابينا كل واحد يجيبلنا فقط الايجابيات متاع 

فكره وانتمائه الي يشوفها من وجهة نظره انها تساهم في خدمة تونس والارتقاء بها