رسالة من القلب لكل قلب

ليلة القدر قربت والله اعلم ربي سبحانه يكتبلنا نعيشوها العام الجاي او لا وبرشة ناس واحبابنا ماتوا خلال هالعام وماعاشوش معانا رمضان هالعام وبرشة ناس ميتين في قبورهم يتمناو لو كان يرجعو للدنيا ويسجدو لله سجدة ويعديو معانا ليلة القدر لذلك لازمنا نحطوا انفسنا في بلاصة هالناس ونحضرولها من توة وهي في هالايام العشر الاواخر وفي ايام الوتر ومش مربوطة بليلة 27 راهي تنجم تكون يوم 17او 19 او 21 او 23 او 25 او 27 او 29 وكذلك الاجتهاد حتى بالأيام الزوجية الي هي فردية في بعض الدول الأخرى فالله أعلم متى تكون الليلة المنتظرة.. لذلك نستعدولها وونحضرولها رواحنا من توة لعل ربي ينظرلنا بعين الرحمة ويغفرلنا وتشهد الملائكة على دعائنا ونكونوا من العتقاء من النار ..

المهم في هالليلة ماتركزش على افعال معينة او دعاء معين فقط ادعي بالي في قلبك وصلي ما لقيت روحك محتاج للصلاة وترتاح كيف تصلي وخاصة في الليل متاخر واختلي مع رب سبحانه وكثرر من الصلاة والدعاء والزكاة وخااصة صلاة الليل ودعاء الليل لانه الملائكة تنزل في الليل وتشهد على العباد واصدق الدعاء هو دعاء القلب كيف تحس انه مفماش حاجز بينك وبين ربي سبحانه وحاول اختلي به في الليل وسمع الملائكة قرانك وصلاتك فالله سبحانه ماانزل الملائكة في هاته الليلة الا ليباهي بنا وليفتخر بنا امام الملائكة وتذكري دائما ان الملائكة لم تصلي للرحمان ولم تقرا القران للرحمان ولم تدعو للرحمان ولم تصم للرحمان يوما وبالتالي انت مفضلة عليها فقط لو صدقت الله واخلصت النية له .حاوري الله بقلبك وبعقلك واشكيه كل همومك والامك وشاركيه كل اسرارك ومشاغلك واجعليه اقرب صديق لك واجعلي لك معه موعد قار سري بينك وبينه في ظلمة الليل والناس نيام لايعلمه احد لاتخافي تاكدي انه سيكون في انتظارك وفي شوق ولهفة الى رؤياك وسماع نجواك ودعاك والتمتع بصلاتك وانك فضلت الصلاة وملاقاته على النوم ولذة الفراش صديقني لو تعاملت مع الله بقلبك اكثر من لسانك سترين عجائب مقدرة الله سبحانه في نفسك وحياتك شيء في عباداتك الكل حاول رضي ربي سبحانه كيما هو يحب تو تشوف ربي يرضيك اكثر من الي تحب انت .. راهو ربي سبحانه مايغزرش للالسنتنا شنوا تقول او لاجسادنا او لاشكالنا يغزر فقط لقلوبنا واعمالنا لذللك خلي علاقتك بربي سبحانه بقلبك وعقلك وخمم فيه ديما وخمم ديما انه اقرب شيء ليك وديما معاك وميسالش احكي معاه وماتفرغ قلبك كان لربي سبحانه كان حزين او فرحان او متقلق او متضايق احكي فقط واشكي كان لربي سبحانه لاغير الشكوى لغير الله مذلة شارك ربي حياتك تو تشوف ربي سبحانه قداش يكون معاك كون انت مع ربي تو ربي سبحانه يكون معاك وعيش انت مع ربي سبحانه وشاركو حياتك تو هو وقها يعيش معاك ويشاركك حياتك ومايتخلاش عليك ويسهلها ديما في وجهك.تذكر فقط انه ربي يحب الدعاء من القلب لاغير ويميز الدعاء المقروء من الدعاء الي من القلب ادعي بالي تحب بالعربي بالدارجة باي لغة المهم من قلبك هذا ال نوصيكم لليلة القدر..احبك ربي واشتاق لرؤياك لاتحرمني اللهم من النظر اليك فارجوك احبني كما احبك وانظر لي بعين الرحمة وانر وجهي برضوانك واختم لي بالعتق من نيرانك :’(